स्कूटरवाले काका - scooterwale kaka

अमितगाथा ०१.०९.२०१४

आज सकाळी ऑफिसच्या  खाली रस्त्यावर गाडी लावूनबाहेर पडलो, तर मागे काही तरी आवाज झाला. वळून बघितला तर एक वृद्ध काका स्कूटर वरून खाली पडत होते. समोर चालल्याला एक चार चाकी वाल्याने बहुतेक अचानक ब्रेक मारल्यामुळे, काका मागून जावून त्याला धडकले होते. मी पळालो आणि त्यांना उचलल. बाकी बरेच लोक आले. सर्वांनी मग काकांना रोड च्या कडेला बसवल. कुठे काही लागला नव्हता पण काका थोडे घाबरलेले दिसत होते. त्यांना सरळ बोलता येत नव्हत. तेवढ्यात कोणी तरी पुढच्या गाडीच्या driver ला खाली ओढून चोप दिला. तो माझी काही चूक नाही, काका मागून येवून धडकले असा बोम्बलत होता. लागला नाही म्हटल्यावर थोड्या वेळाने सर्वजण निघून गेले. तो driver पण हळूच सटकला होता. काका अजून पण सरळ उभे राहू शकत नव्हते. थोडे हाथ पाय थरथर कापत  होते. थोडे पाणी दिल्यावर मग ते जरा बरे तरतरीत झाले. मी काकांना विचारला जमेल का गाडी चालवायला. काका एकदम कॉन्फिडन्स मध्ये म्हनले "अरे बिंदास, ओके आहे आपण ". पण काका अजून पण थोडे हलतच होते. मग काकांनी मग माझी विचारपूस केली, आणि आणि देवासारखा आलास  म्हणून एक दम मिठीच मारली. मी इट्स ओक काका , यु आर वेलकम म्हनुन बाजूला झालोच होतो कि काकांचा अंगा-तोंडावरून एक गर्द वास आला…. डोक्याला झिणझिण्या आल्या आणि मग मला काकांच्या हलण्याचा रहस्य कळला आणि हे पण कळला कि तो ड्र्यव्हर बरोबर बोलत होता. कारण काका सकाळी सकाळीच मस्त चार पेग लावून झिंगून गाडी चालवत होते… 

मी बिचाऱ्या ड्राईव्हर चा विचार करत ऑफिसकडे निघालो आणि मागे काका हलत हलत गाडीला किक मारून, पुढच्या साहसी प्रवासाला निघले. 

- अमित पायगुडे